Lirik Lagu : Kembang Impian - Mang Koko
Judul Lagu : Kembang Impian
Ciptaan : Mang Koko
Antara lolongkrang kiceup
Urang pateuteup
Bulan pias enteupna lalangsé kayas
Kaca jandéla nu muka
Kaca katrésna nu muka
Peuting téh teuing ku jempling
Asih téh teuing ku wening
Pangharepan lir laut nu jero
Teu katepi ku sora panggero
Urang teuleuman ku geter deudeuh duaan
Urang tataran ku karep jeung pangharepan.
Tong teuing ngedalkeun lisan
Urang guneman
Na ciptaan bagja deukeut patémbongan
Geter ti ati ka ati
Iber jadina pasini
Saranggeuy kembang impian
Sungkemeun kana lamunan.
